Kev Them Nqi Zov Me Nyuam

Tus Nqi Zov Me Nyuam Zoo Hauj Sim Tauj Ib Lis Piam

Nram qab no yog ib co nqi zov me nyuam zoo hauj sim tauj ib lis piam uas muaj hauv lub xeev Minnesota txij ntawm lub Peb Hlis Ntuj xyoo 2006. Tej nqi rau txoj kev zov me nyuam uas yog rau ob peb teev xwb (part-time) los sis rau qhov uas ib tug neeg tso ib tug me nyuam rau luag zov tsis teem caij ua ntej ntawd (drop-in) tej zaum yuav siab dua cov nqi nram qab no.

Hauv Nroog

Tsev Zov Me Nyuam

Kev Zov Me Nyuam
hauv Tsev Neeg

Me Nyuam Mos Liab

$258.00

$148.00

Me Nyuam Me

$214.00

$137.00

Me Nyuam Npaj Kawm Ntawv

$189.00

$129.00

Me Nyuam Kawm Ntawv

$169.00

$116.00

Ntug Zos

Tsev Zov Me Nyuam

Kev Zov Me Nyuam
hauv Tsev Neeg

Me Nyuam Mos Liab

$161.00

$122.00

Me Nyuam Me

$142.00

$112.00

Me Nyuam Npaj Kawm Ntawv

$132.00

$109.00

Me Nyuam Kawm Ntawv

$124.00

$105.00

 

Kom tau ntaub ntawv xov xwm ntxiv hais txog cov nqi zov me nyuam hauv koj lub cheeb tsam, cia li tiv tauj kom tau lub koom haum Qhia Tswv Yim thiab Xa Koj Mus Ntsib ib Qho Chaw txog Kev Zov Me Nyuam uas nyob ze koj. Kom nrhiav tau tej ntaub ntawv xov xwm yuav tiv tauj tau lawv cia li nias (click) rau ntawm no .

Tej Kev Pab Nyiaj Them Nqi Zov Me Nyuam

Nias (click) rau ntawm no kom txuas rau qhov website Kev Pab Nyiaj Them Nqi Zov Me Nyuam (English) thiab xam saib koj tsim nyog txais kev pab thiab nyiaj ntau npaum li cas.

Kev Pab Them Nqi Zov Me Nyuam (Child Care Assistance [CCA]) pab tsev neeg them nqi rau txoj kev zov me nyuam rau tag nrho cov me nyuam uas muaj hnub nyoog 12 xyoos rov haud, thiab rau cov me nyuam uas xav tau kev pab tshwj xeeb uas muaj hnub nyoog 14 xyoos rov haud. Lub khoos kas no yuav tsum pom zoo rau txoj kev zov me nyuam uas niam txiv siv thiab tus niam los sis tus txiv yuav tsum ua hauj lwm 20 tawm teev tauj ib lis piam thiab txais nyiaj teev minimum wage los sis siab dua, los sis yuav tsum tab tom nrhiav hauj lwm ua los sis mus kawv ntawv. Tsis muaj ib lub sij hawm uas teem tseg hais tias thaum lub sij hawm ntawd yuav tsum tsum tsis txais Kev Pab Them Nqi Zov Me Nyuam ntxiv lawm, yus kuj txais tau ntev npaum li lub sij hawm uas tsev neeg cov nyiaj hli raug tej kev cai rau lub khoos kas txoj kev pab thiab npaum li lub sij hawm uas tus me nyuam muaj hnub nyoog tsim nyog.

Tus Nqi Basic Sliding hais tias ib tse neeg twg yuav tsum nyob ntawm 75 feem pua ntawm cov nyiaj hli uas lub xeev teem tseg hais tias yog qhov zoo hauj sim kom thiaj tsim nyog txais Kev Pab Them Nqi Zov Me Nyuam. Nyob hauv cov county feem ntau tib neeg yuav tsum tos mam li txais tau kev pab ntawm lub khoos kas no.

Minnesota Kev Pab Tsev Neeg ( Minnesota Family Investment Plan [MFIP]) yog lub khoos kas welfare uas muaj tam sis no uas ib tse neeg twg yuav koom tau ntev npaum li 60 lub hli tag nrho (los sis 5 xyoos). Tsev neeg twg uas txais MFIP tsim nyog txais Kev Pab Them Nqi Zov Me Nyuam thiab lawv tsis tas tos ntev kom txais tau. Lawv yuav tsum rau rau siab nrhiav hauj lwm khov kho kom ua los sis yuav tsum tau ua hauj lwm 20 teev los sis tshaj ntawd tauj ib lis piam.

Kev Pab Them Nqi Zov Me Nyuam hauv Xyoo Pauv Khoos Kas (Transition Year Child Care Assistance) yog ib lub khoos kas rau tej tsev neeg uas tab tom txiav MFIP tiam sis tseem txais kev pab them nqi zov me nyuam kom puv ib xyoos ntxiv. Tom qab xyoo ntawd tas, tej tsev neeg no yuav tsim nyog txais tus Nqi Basic Sliding. Yog hais tias muaj lwm tus neeg tos kom txais lub khoos kas ntawd, ces cov neeg uas txiav MFIP li hais no yuav tsim nyog tau kev pab ua ntej tshaj plaws.

Tej Kev Luv Nqi Se (Credit) thiab Lwm txoj Kev Pab

Qhov Luv Nqi Se (Credit) rau cov Nqi Them Nqi Zov Me Nyuam (Child and Dependent Care Tax Credit) cia niam txiv txais credit los ntawm tseem fwv teb chaws thiab tseem fwv xeev rau tej nqi uas niam txiv them rau kev zov me nyuam. Tus nqi koj suav tau nyob ntawm saib koj khwv nyiaj hli ntau npaum li cas thiab saib koj them nqi zov me nyuam ntau npaum li cas hauv ib xyoos. Siv daim ntawv IRS Form 4221 Credit for Child Care and Dependent Care Expenses (tseem fwv teb chaws), thiab MN Form M-1 (xeev).

Tej Account Tseg Nyiaj Ua Ntej Them Nqi Se (Pre-tax Accounts) rau cov nqi them rau kev zov me nyuam tej zaum yuav yog koj qhov chaw ua hauj lwm muaj. Qhov no cia koj kwv yees saib koj yuav them nqi zov me nyuam ntau npaum li cas tauj ib xyoos (mus txog $5,000) thiab thaum twg koj yuav tsum siv cov nyiaj ntawd hauv xyoo ntawd koj thau tau tawm ntawm qhov account ntawd los, es cov nyiaj ntawd tsuas yog ib co nyiaj uas koj qhov chaw ua hauj lwm tshem tawm ntawm koj qhov nyiaj ua hauj lwm thiab muab cia hauv ib qho account ua ntej lawv txiav nqi se. Noog koj qhov chaw ua hauj lwm saib lawv puas muaj qhov no.

Qhov Earned Income Tax Credit thiab qhov Minnesota Working Family Credit yog credit los ntawm lub teb chaws thiab lub xeev uas pab ntxiv nyiaj rau tej nyiaj uas tej tse neeg uas ua hauj lwm khwv tau los dhau los ntawm qhov uas qhov credit no ntxiv rau cov nyiaj uas tseem fwv them koj rov qab (tax return) thaum lub xyoo xaus los sis dhau los ntawm qhov uas lawv kho qhov uas koj withhold txhua lub hli kom zoo zog. Koj txais tau ntaub ntawv xov xwm ntxiv los ntawm koj qhov chaw ua hauj lwm, los sis koj hu tau mus rau Minnesota Department of Revenue rau ntawm (651) 296-3781. Kom tau ntaub ntawv xov xwm, cia li hu mus rau lub koom haum Qhia Tswv Yim thiab Xa Koj Mus Ntsib ib Qho Chaw txog Kev Zov Me Nyuam uas nyob ze koj.

Qhov Luv Nqi Se rau Nqi Kawm Ntawv (Education Tax Credit) yog lub xeev Minnesota ib qho credit uas cia tej tse neeg uas khwv nyiaj los qis mus rau zoo hauj sim xwb luv tej tug nqi kawm ntawv K-12 los ntawm lawv cov nqi se. Tej zaum ib txhia nqi zov me nyuam xws li tej khoos kas pab qhia ntawv phij xej rau cov me nyuam kawm ntawv yuav tsim nyog siv rau qhov credit no. Cia li nyeem cov ntawv qhia los sis hu mus rau lub Xeev Minnesota rau ntawm (651) 296-3781 kom tau ntaub ntawv xov xwm ntxiv.