Kev Zov Kom Noj Qab Nyob Zoo, Cov Me Nyuam Uas Noj Qab Nyob Zoo Xaiv thiab Siv Kev Zov Me Nyuam thaum lub Caij uas Tib Neeg Mob Ua Npaws  

 

Niam thiab txiv thiab cov neeg zov me nyuam sib koom tes pab kom cov me nyuam yuav muaj kev noj qab nyob zoo lub caij uas tib neeg muaj mob ua npaws xyoo no. Cia li nrog koj tus neeg zov me nyuam los sis cov neeg uas koj xav ntiav tham txog tej yam no, kev zov kom noj qab nyob zoo, cov tswv yim uas pab kom cov me nyuam yuav noj qab nyob zoo.

Cov neeg laus thiab cov me nyuam puas ib sij ntxuav tes zoo zoo (tom qab mus siv chav dej, hloov pawj, noj mov thiab tej yam ntxiv)?

Puas txhawb cov me nyuam kom npog lawv qhov ncauj thaum lawv hnoos thiab ntxuav tes tom qab lawv hnoos?

Puas ib sij ntxuav cov khoom ua si thiab tej chaw ua si?

Txhua tus me nyuam uas nyob hauv puas tau txhaj tshuaj tiv thaiv kab mob? Tus neeg zov me nyuam puas yuav txhaj koob tshuaj uas tiv thaiv tus kab mob ua npaws H1N1?

Puas tau npaj seb yuav ua li cas yog tias ib tug me nyuam muaj mob? Puas yuav xa cov me nyuam uas kub taub hau mus tsev thiab hais kom lawv nyob twj ywm tom tsev li 7 hnub los sis mus txog thaum lawv tsis tau kub taub hau rau 24 xuab moos lawm (seb qhov twg ntev dua)?

Puas tau npajseb yuav ua li cas thiaj qhia tau niam thiab txiv txog kev kaw tsev zov me nyuam yog tias tus kws zov me nyuam muaj mob tsis xis neej?

Yog xav paub ntxiv, 651-290-9704

Kev Ntsuam Xyuas rau Thaum Mob Khaub Thuas rau Cov Niam Txiv Thiab Cov Saib Xyuas Menyuam rau Cov Chaw Zov Menyuam thiab Kev Kawm Ntawv Rau Cov Menyuam Me (PDF)

Minnesota Department of Health