Kev Zov Me Nyuam 101: Tej Hom Kev Zov Me Nyuam

Kev Zov Me Nyuam hauv Tsev Neeg uas Muaj Laiv Xees Zov

Ib lub tsev uas muaj laiv xees zov me nyuam hauv tsev yog ib lub tsev uas tus neeg zov me nyuam tau ua raws li tej kev cai kom tau laiv xees zov me nyuam hauv nws lub tsev ntag. Tej zaum tus neeg zov me nyuam yuav zov me nyuam hnub nyoog nyuam qhuav yug los los mus txog hnub nyoog twb kawm ntawv lawm. Qhov laiv xees muaj kev cai hais tias saib tus neeg zov me nyuam zov tau pes tsawg tus me nyuam thiab saib lawv yuav tsum muaj hnub nyoog li cas. Tej zaum yuav muaj tej kev kawm ntawv los sis ua si uas phim ib tug me nyuam kawm ntawv los sis ib tug npaj kawm ntawv xwb.

Tej Yam Zoo

•  Zoo li yus lub tsev thiab pawg me nyuam tsis tshua coob.

•  Yus tus me nyuam nrog lwm tus me nyuam muaj hnub nyoog sib txawv sib raug zoo. Ob kwv tij los sis ob tug viv ncaus nyob ua ke tau.

•  Hloov tau tej sij hawm zov me nyuam.

Tej Yam Tsis Tshua Zoo

•  Tsawg tus neeg laus zov me nyuam thiab saib xyuas txoj kev zov me nyuam. Feem ntau cov neeg zov me nyuam zov me nyuam lawv ib leeg xwb thiab tsis muaj leej twg txhawb nqa lawv.

•  Yog tias tus neeg zov me nyuam muaj mob los sis phav hauj lwm, koj yuav tsum nrhiav dua ib tug neeg zov me nyuam.

•  Tej zaum koj cov me nyuam yuav tsis nyob nrog lwm cov me nyuam uas muaj hnub nyoog ib yam li lawv.

Tsev Zov Me Nyuam

Tej tsev zov me nyuam yog lub xeev muab laiv xees rau kom saib xyuas thiab zov me nyuam coob hauv lub tsev zov me nyuam ntawd ib lub tsev los sis hauv koog zej zog lub tsev hauv paus, tej chaw teev ntuj los sis lwm qhov chaw. Tej zaum tej tsev zov me nyuam no yuav zov me nyuam hnub nyoog nyuam qhuav yug los los mus txog hnub nyoog twb kawm ntawv lawm. Feem ntau cov neeg zov me nyuam muab cov me nyuam faib ua tej pawg raws li lawv muaj hnub nyoog pes tsawg. Tej zaum yuav muaj tej kev kawm ntawv los sis ua si uas phim ib tug me nyuam kawm ntawv los sis ib tug npaj kawm ntawv xwb.

Tej Yam Zoo

•  Neeg laus coob dua sib pab zov me nyuam thiab saib xyuas txoj kev zov me nyuam.

•  Cov me nyuam nyias koom nyias pawg raws li lawv muaj hnub nyoog pes tsawg.

•  Feem ntau lub tsev zov me nyuam qhib 10-12 teev tauj ib hnub; ua li no, nws thiaj li khoom zov me nyuam thaum ntau lub caij.

•  Tej zaum tsis tas txhawj txog qhov uas yuav tsum nrhiav dua lwm tus neeg zov me nyuam.

Tej Yam Tsis Tshua Zoo

•  Me nyuam coob heev thiab qhov uas lub tsev zov me nyuam loj dua tej zaum yuav ua rau koj xav hais tias lawv tsis paub koj zoo los sis tej zaum qhov uas nws loj ntawd yuav tsis haum koj siab.

•  Ib txhia tsev zov me nyuam cov neeg ua hauj lwm pauv hauj lwm ntau es ua li no yuav ua rau cov me nyuam xav hais tias lawv vam khom tsis tau cov neeg uas zov lawv.

•  Tej yam uas cov me nyuam ua txhua hnub raws ib lub caij ua; piv txwv hais tias: tej sij hawm noj su thiab so pw tsaug zog yuav yog thaum ib lub sij hawm uas tsis hloov hlo li txhua hnub.

Kwv Tij Neej Tsa/Phooj Ywg/Neeg Zej Zog uas Tsis Muaj Laiv Xees (tej kev zov me nyuam hauv tsev uas raws kev cai txawm tias tsis muaj laiv xees)

Cov neeg zov me nyuam uas tsis muaj laiv xees tiam sis tseem zov me nyuam raws li kev cai yog cov uas zov lawv cov me nyuam uas lawv yug, cov me nyuam uas txheeb lawv, thiab cov me nyuam los ntawm ib tse neeg uas tsis txheeb lawv, es lawv zov cov me nyuam no hauv lawv lub tsev ntag. Feem ntau cov neeg zov me nyuam no yog niam txiv cov phooj ywg, neeg zej zog los sis kwv tij neej tsa. Tsis muaj kev cai hais tias tus neeg zov me nyuam no yuav tsum zov me nyuam coob npaum li cas los sis muaj hnub nyoog npaum li cas.

Tej Yam Zoo

Tej Yam Tsis Tshua Zoo

Tej Khoos Kas Npaj Kawm Ntawv (Preschool)

Feem ntau tej khoos kas npaj kawm ntawv muaj ib hnub ob peb zaug, ib lis piam ob peb hnub. Tej khoos kas no lub hom phiaj tsis yog zov me nyuam xwb, tej khoos kas no muab ib lub cib fim rau me nyuam yaus nyob ua ke thiab kawm sib raug zoo thiab npaj kawm ntawv. Tej khoos kas no cov neeg saib xyuas muaj laiv xees coj kav thiab feem ntau tej khoos kas no nyob hauv lawv ib lub tsev, koog zej zog lub tsev hauv paus los sis tej chaw teev ntuj. Feem ntau cov me nyuam uas sau npe npaj kawm ntawv muaj hnub nyoog 3 mus rau 5 xyoos xwb.

Tej Yam Zoo

Tej Yam Tsis Tshua Zoo

Kev Zov Me Nyuam uas Twb Pib Kawm Ntawv Lawm

Tej khoos kas zov me nyuam rau cov me nyuam muaj hnub nyoog kawm ntawv zov cov me nyuam uas kawm hoob kindergarten mus dhau hoob rau. Nyob ntawm saib qhov chaw zov me nyuam no nyob qhov twg, lawv mam li muaj laiv xees los tsis muaj. Feem ntau tej kev zov me nyuam no khiav hauv tej tsev kawm ntawv, koog zej zog tej hauv paus tsev, tej YMCA/YWCA los sis tej khoos kas uas yog tseem fwv zos khiav. Feem ntau tej khoos kas no zov me nyuam ua ntej thiab tom qab lub sij hawm kawm ntawv, thiab thaum phav ntawv thiab thaum lub caij kub huv tib si.

Tej Yam Zoo

Tej Yam Tsis Tshua Zoo

Lwm Hom Kev Zov Me Nyuam

HEAD START/EARLY HEAD START

Head Start/Early Head Start yog ib lub khoos kas rau me nyuam yaus txoj kev loj hlob uas yog tsim kom pab cov me nyuam yaus uas tuaj ntawm tsev neeg uas tsis muaj nyiaj ntau tuaj. Lub khoos kas no muaj niam txiv kev pab, qhia txog kev noj qab haus huv, thiab txhawb nqa tsev neeg. Cov me nyuam muaj hnub nyoog 3 xyoos mus rau 5 xyoos yog cov uas koom. Early Head Start qhia ntawv thiab coj kev ua si rau tej tsev neeg uas muaj me nyuam uas muaj hnub nyoog peb xyoos rov haud. Head Start thiab Early Head Start puav leej nyob ntawm ib lub tsev zov me nyuam los sis hauv ib lub tsev uas yog tsev neeg zov.

TEJ KHOOS KAS DROP-IN (TEJ ZAUM TXHUA LUB CHEEB TSAM YUAV TSIS MUAJ QHOV NO)

Tej khoos kas drop-in no yog qhov uas ib tug neeg tso ib tug me nyuam rau luag zov tsis teem caij ua ntej ntawd los tau, thaum twg muaj kam ceev los sis xav tau ib qho chaw zov me nyuam rau ib lub sij hawm luv luv, thiab feem ntau tej qho chaw no nyob hauv tsev muag khoom, koog zej zog tej tsev hauv paus, tauj mus. Tej khoos kas drop-in no feem ntau muaj laiv xees, thiab muaj kev cai lawv yuav tsum ua raws li uas ib nyuag txawv lwm lub tsev zov me nyuam tej kev cai coj ua. Tej zaum ib txhia tsev zov me nyuam thiab ib txhia neeg uas zov me nyuam hauv tsev yuav kam zov me nyuam drop-in li no thiab.

TEJ PAWG UA SI UA KE THIAB TEJ KEV SIB PAUV ME NYUAM (TEJ ZAUM TXHUA LUB CHEEB TSAM YUAV TSIS MUAJ QHOV NO)

Tej pawg ua si ua ke thiab tej kev sib pauv me nyuam yog niam txiv sib tham thiab sib hais haum yuav ua li no es tsis tas them nyiaj dab tsi li. Tej pawg ua si ua ke yog muab sij hawm rau cov me nyuam ua si ua ke es cov niam txiv zaum ua ke sib tham. Hos txoj kev sib pauv me nyuam yog cov niam txiv sib pauv me nyuam zov, kuv zov koj cov me nyuam, koj zov kuv cov me nyuam no. Vim rau qhov tej kev sib hais haum tsis muaj tseem fwv saib xyuas li, tsis muaj leej twg hais tias pawg ua si ntawd yuav tsum loj npaum li cas los sis cov me nyuam yuav tsum muaj hnub nyoog li cas.

KEV ZOV ME NYUAM HAUV TSEV

"Kev zov me nyuam hauv tsev" txhais tau tias ib tug neeg zov me nyuam tuaj rau ntawm koj lub tsev thiab zov koj cov me nyuam. Cov neeg zov me nyuam zoo li no feem coob yog phooj ywg, kwv tij neej tsa los sis yog cov poj niam uas koj ntiav tau los zov me nyuam los sis "nannies." Feem ntau cov poj niam no twb kawm ntawv siab kom muaj kev txawj zov me nyuam thiab tej zaum lawv tau zov me nyuam ntau zaus los lawm. Txawm li cas los, cov neeg zov me nyuam hauv tsev li no tsis muaj laiv xees. Vim rau qhov koj ntiav lawv los ua hauj lwm rau koj, tej zaum koj yuav lav qhov uas koj yuav tsum them nqi Social Security, nqi se, nqi them neeg ua hauj lwm faj seeb (workers' compensation), nqi pab kas phais thiab nqi phav hauj lwm rau lawv. Cov neeg zov me nyuam hauv tsev no nrog koj nyob hauv koj lub tsev los tau los yog lawv nyob lwm qhov chaw thiab tuaj rau ntawm koj lub tsev los tau thiab.